Roma kërkon Montoyan dhe Sanabrian

Martin Montoya

Roma mendon për të tashmen por edhe për të ardhmen. Drejtori i përgjithshëm Baldissoni shprehet se shoqëria do të punojë fort për të ndërtuar një skuadër e cila duhet të qëndrojë në nivele të larta edhe gjatë viteve të ardhshme. Dhe nga fjalët, drejtuesit e shoqërisë hidhen te veprat sepse pas blerjes së Paredes, Roma kërkon të transferojë në kryeqytet edhe dy nga yjet e Barcelonës, i rritur në kanterën e famshme La Masia. Bëhet fjalë për Sanabrian dhe Montoyan ku i pari është shumë pranë fanellës verdhekuqe. Skuadra italiane duhet të derdhë 3 milionë Euro për të konkretizuar transferimin e tij pasi ky është edhe limiti i klauzolës së vendosur nga skuadra katalanase.

Nëse Sanabria transferohet në Itali, do të luajë disa muaj në formë huazimi te Verona dhe më pas do të rikthehet në kryeqytet. Nga ana tjetër, Roma po monitoron me kujdes edhe situatën e Montoyas. Kontrata e djaloshit skadon në Qershor dhe ai mund të luajë në të dyja krahët e mbrojtjes. Për Romën do të ishte një blerje me shumë vlera dhe Walter Sabatini do të tentojë deri në fund për ta shkëputur nga shoqëria blaugrana.

Kush do të jet "Mbreti" për 2013 ?

Fifa Ballon D'or

Cristiano Ronaldo, Franck Ribery dhe Lionel Messi.Natyrisht që kjo nuk është renditja finale e podiumit të "Topit të Artë 2013", por kështu thonë thashethemet në pritje të njohjes së të vërtetës. Natyrisht që për tri kandidatët finalistë nuk ka surpriza, por natyrisht që surprizat mbase nuk do të mungojnë sot pasdite, në orën 18:00 në Zyrih, kur spektakli i organizuar nga FIFA do të shpërblejë edhe më të mirin e globit për vitin e kaluar, por jo vetëm. 

Nëse shumica mendojnë se sivjet duhet të jetë viti iFranck Ribery-së (nuk e ka fituar asnjëherë këtë trofe) që fitoi gjithçka me Bayern Munchen, deri në nëntor u përfol se do të ishte sërish Lionel Messi "mbreti" i botës (e ka fituar 4 herë radhazi (2009-2012) trofeun personal). Por, pas Play Off-eve të Botërorit "Brazil 2014", ku Cristiano Ronaldo (e ka fituar në 2008-ën) shkëlqeu dhe FIFA mendoi të rihapte edhe votimin, duke krijuar jo pak polemikë dhe tashmë të gjithë mendojnë se do të jetë portugezi fituesi i sivjetshëm, edhe pse arritjet e tij të sivjetshme me përfaqësuesen duhet të vlenin për sezonin tjetër. 

Gjithsesi, se çfarë do të ndodhë mes një kaosi dyshimesh, e vërteta do të mësohet sot në ora 18:00.